呢4种蛇，所有广东人都识！

狐说

两头蛇

【释义】形容两面三刀，搬弄是非嘅人。

【出处】广府人通常所讲“两头蛇”其实系一种长约长30-60厘米嘅蛇仔。呢种蛇尾部嘅形状、花纹都同头部非常相似，而且呢种蛇经常倒着爬行，以便受攻击嘅时候用头部反击。

【例句】你唔好睇佢外表好正人君子咁呀，其实佢系两头蛇嚟嘅，小心佢会同老世告状呀。

狐说

软皮蛇
【释义】广府人用呢个词嚟讽刺冇斗志、懒散嘅人。
【出处】查实“软皮蛇”系指蛇脱皮时嘅状态，蛇喺脱皮嘅时候会将旧皮变软，便于脱皮，而喺脱皮前嘅十日八日，蛇都系唔会活动嘅。
【例句】好心你就改下你啲坏习惯喇，话嚟话去都系咁，正一软皮蛇呀。

狐说

蛇quare
【释义】“蛇quare”呢个词喺粤语里头系形容人细胆、怕事嘅意思。
【出处】“蛇quare”个“quare”字点解会用英文？查实呢个词系进口嘢嚟嘅。“蛇quare”源于英文suare，suare的意思是惊吓、恐惧。
【例句】堂堂一个大男人，好心你就咪鬼咁蛇quare啦

狐说

精过冇尾蛇
【释义】喺粤语里头有句说话叫“精过冇尾蛇”，系形容嗰啲机警聪明嘅人，同时，呢句话亦都可以形容嗰啲狡猾嘅人。
【出处】广府人所讲嘅“冇尾蛇”，查实就系“壁虎”（广府话：“檐蛇”或者“四脚蛇”）。壁虎喺受到攻击嘅时候自断尾巴逃生（等于系放出诱饵迷惑敌人而取得逃生嘅时间、机会），喺动物界呢种行为已经算系比较机警、狡猾喇。既然系“精过冇尾蛇”，可见被形容嘅人系非一般嘅机警（狡猾）。
【例句】你想搵佢笨简直就系难过登天呀，佢精过冇尾蛇呀。
除咗上面提到嘅关于“蛇”嘅粤语俚语之外，仲有“蛇王（偷懒）”、“蛇鼠一窝（狼狈为奸）”、“蛇头鼠眼（贼眉贼眼）”等等

山色空蒙

                               
登录/注册后可看大图

山色空蒙

                               
登录/注册后可看大图

山色空蒙

                               
登录/注册后可看大图

山色空蒙

                               
登录/注册后可看大图

山色空蒙

                               
登录/注册后可看大图