六个粤语俚语典故 - 忘忧草家园

【解释】逃跑、潜逃。

【出处】据讲呢个词系出自明末清初时期，天地会里头嘅一句术语。喺天地会里头，其中有一个专门负责收集情报嘅岗位叫“走趯”（即：探子。“趯”粤语音近似：笛）。因为探子平时都系着草鞋翻山涉水去收集情报嘅，所以内部就称为“草鞋”或“着草鞋”。当探子完成任务或者身份败露嘅时候就要远走高飞，所以后来就将“远走高飞”称为“着草鞋”，再后嚟就慢慢简称为“着草”。

【解释】死亡

【出处】好多人以为“冚旗”一词系源于“为国捐躯”而喺棺材上面冚国旗。查实“冚旗”一词来源于香港的士行业嘅行话，“冚”字有两个发音，“憾”和“妗”，当发“憾”音嘅时候，意思就系“全部”，例如“冚家”。当发“妗”音嘅时候，就表示“覆盖”，例如“冚被”、“冚埋”。旧时香港法例规定的士唔做生意（唔载客）嘅时候，要清晰俾人知道“该车唔接客”，所以的士司机会用一个印有“暂停载客”字样嘅纸套覆盖住车头嗰个里程计费器。因为以前嘅计费器系用摇杆式嘅，外表就好似一支戙喺度嘅旗仔咁，所以行内称此行为叫“冚旗”（亦称“收工”）。后嚟广府人亦以“冚旗（收工）”比喻生命结束。

拨轮（粤音：卵）

【解释】打电话

【出处】而家基本上都人手一部手机，而喺屋企或者办公室嘅电话基本上都系按键式嘅。而按键式电话嘅上一代系拨轮式嘅。拨轮式座机正面有一个可以转动嘅圆盘，上面有十个窿，分别写上1-0十个数字，当要打电话嘅时候就要将手指放落去个窿度按照对方电话号码嘅数字依次序顺时针拨动相应嘅数字，而当呢个轮盘转动嘅时候就好似车轮转动咁嘅样，因此“拨轮”就成为咗当时打电话嘅代名词喇。要注意嘅一点就系呢个“轮”字系读“卵”音嘅。

讲开数字，就顺便讲下啲花边嘢，据讲以前天地会分别将数字1、2、3、4、5、6、7、8、9写成暗语“之、雷、汪、扇、乍、龙、吉、丝、色”，好彩当时无手提电话，如果唔系，报电话号码都几麻烦......而当中数字“2”与义气嘅“义”粤语同音，所以天地会嘅成员就将“义气”称为“雷气”，够义气就称为“够雷气”。

【解释】好货、靓货

【出处】“正斗”一词源自鸦片烟枪嘅烟斗。何解俗称“烟枪”多过称“烟斗”呢？因为吸食鸦片毒瘾攻心可以夺命，等于杀人武器一样。而旧时亦好多达官贵人会有吸食鸦片烟枪嘅习惯。但系呢啲达官贵人既烂瘾又怕死，所以就不惜使钱去寻觅“靓枪”（即系“正斗”）。一来为咗增加情趣，二来相信会减少毒素。于是，制作烟枪嘅人就投其所好，尽量巧立名目去满足佢哋。例如“五音斗”、“双溪斗”、“七彩谭元记斗”就系当时嘅抢手货，而最取巧嘅莫过于“香娘斗”，即由一位香娘（即：神婆），用元宝蜡烛灰制成。因为元宝蜡烛灰耐热，再加上寓意大吉大利，所以“香娘斗”喺当时则大行其道，成为当时名副其实嘅“正斗”。

【解释】内奸

【出处】其实“内鬼”嘅“鬼”字，正字系“宄”。宄：奸也。是“狡猾”、“邪恶”嘅意思。又解作“窃盗”，并且指明系“从内部窃夺或作乱”。《说文解字》里面解释：外为盗，内为宄。因“宄”与“鬼”同音，后嚟被误传为“内鬼”。

【解释】哪个（通常会讲“你系乜水呀？”）

【出处】广府人成日讲嘅“乜水”，其正字应为“乜谁”。呢个词喺《述史浅译》中出现过（如上图），以前的“乜谁”是中性词，后来变为偏贬义。至于“乜谁”系几时开始被讲成“乜水”就不得而知喇。